-
10 Simple Security Tips for Human Rights Defenders in Cambodia
-
Released Date:
15-Jan-2015
10 simple security tips for Human Rights Defenders in Cambodia
-
-
គន្លឹះងាយៗ១០យ៉ាងសម្រាប់អ្នកការពារសិទ្ធិមនុស្សនៅកម្ពុជា
-
Released Date:
15-Jan-2015
វីធីងាយៗទាំង ១០ យ៉ាងសម្រាប់អ្នកការពារសិទ្ធិមនុស្សនៅកម្ពុជា
-
-
ជំនួយថវិកាគម្រោងការពារសេរីភាពមូលដ្ឋាន
-
Released Date:
12-Jan-2015
ជំនួយថវិកាគម្រោងការពារសេរីភាពមូលដ្ឋានគ្រប់គ្រងដោយមជ្ឈមណ្ឌលសិទ្ធិមនុស្សកម្ពុជា ដើម្បីគាំទ្របុគ្គលទាំងឡាយណា ដែលសេរីភាពមូលដ្ឋានរបស់ពួកគេត្រូវបានរឹតត្បិត ឬរំលោភបំពានតាមរយៈការចោទប្រកាន់ពីបទព្រហ្មទណ្ឌ ឬតាមរយៈផ្លូវច្បាប់ផ្សេងៗ។ ដើម្បីអានព័ត៌មានលម្អិតអំពីជំនួយសូមចុចដំណរខាងលើ។
-
-
កម្រងឯកសារសម្រាប់ការអនុវត្តន៍ចំពោះសេរីភាព នៃការជួបប្រជុំ ការបង្កើតសមាគម និងការបញ្ចញមតិ
-
Released Date:
18-Aug-2014
ការវិវឌ្ឍនៃលទ្ធិប្រជាធិបតេយ្យនៅកម្ពុជាមិន ស៊ីសង្វាក់គ្នាជាមួយនឹងកំណើនយ៉ាងឆាប់រហ័សនៃសេដ្ឋកិច្ចក្នុងរយៈពេលប៉ុន្មានឆ្នាំចុងក្រោយនេះ។ ឱកាសសម្រាប់សង្គមស៊ីវិលមានកាន់តែតិចទៅៗ ការរំលោភបំពានលើសិទ្ធិជាមូលដ្ឋាន និងការប្រើប្រាស់ប្រព័ន្ធច្បាប់ ដើម្បីជួយគាំទ្រដល់សង្គមស៊ីវិលដែលត្រូវបានចាត់ទុកថា រងការបំពារបំពានកាន់តែច្រើនឡើង។ដើម្បីលើកឡើងពីបញ្ហាប្រឈមទាំងនេះក្រសួងការបរទេសសហរដ្ឋអាមេរិក ការិយាល័យប្រជាធិបតេយ្យ សិទ្ធិមនុស្សនិងការងារ បានផ្តល់ជាជំនួយរយៈពេលពីរឆ្នាំ ដល់គម្រោងដែលមានឈ្មោះថា “គាំពារសង្គមស៊ីវិលនៅកម្ពុជា”។ការផ្តល់ជំនួយផ្លូវច្បាប់ដល់ជនរងគ្រោះ ដោយសារការបំពារបំពានសិទ្ធិក៏ដូចជាការជម្រុញឲ្យមានកំណែទម្រង់ដីធ្លីផងនោះគម្រោងនេះមានគោលដៅបង្កើនការយល់ដឹង និងសមត្ថភាពក្នុងចំណោមអង្គការសង្គមស៊ីវិលនៅ កម្ពុជា (អ.ស.ស) លើបញ្ហាសិទ្ធិពាក់ព័ន្ធនឹងសេរីភាពក្នុងការជួបប្រជុំការបង្កើតសមាគម និងការបញ្ចេញមតិ។ការលើកកម្ពស់ការយល់ដឹងនិងការកសាងសមត្ថភាពនេះ នឹងអាចសម្រេចបានជាបឋមតាម រយៈវគ្គបណ្តុះបណ្តាលរយៈពេលបីថ្ងៃដល់តួអង្គ អ.ស.ស នៅកម្ពុជាដែលបានការពារសេរីភាពក្នុងការជួបប្រជុំការបង្កើតសមាគម និងសេរីភាពនៃការបញ្ចេញមតិនៅកម្ពុជា។
-
-
ការប្តឹងបរិហារបង្កាច់កេរ្តិ៍
-
Released Date:
10-Apr-2014
បទប្តឹងបរិហារបង្កាច់កេរ្តិ៏ គឺជាអំពើបរិហារអំពីអំពើ ដែលគេដឹងថា មិនពិត ហើយដែលនាំឱ្យមានទណ្ឌកម្ម ឬ វិន័យ កាលបើការប្តឹងបរិហារនេះ ត្រូវបានផ្ញើទៅដល់ៈ- អាជ្ញាធរមានសមត្ថកិច្ចដើម្បីចាត់ការ ដូចជាចៅក្រម មន្ត្រីនគរបាលយុត្តិធម៌ ឬ និយោជក ឬ- បុគ្គលដែលមានអំណាចប្តឹងទៅអាជ្ញាធរមាន សមត្ថកិច្ច។
-
-
កុប្បកម្ម
-
Released Date:
10-Apr-2014
ច្បាប់ស្តីពីកុប្បកម្មជាច្បាប់ថ្មីមួយដែលចម្លងមកពីច្បាប់ព្រហ្មទណ្ឌបារាំងនៃមាត្រា ៤១២-៣ (movement insurrectionist)។ និយាយជាពាក្យសាមញ្ញ ច្បាប់នេះគឺជាច្បាប់ទប់ទល់នឹងចលនាឧទ្ទាម។ ដោយសារវាជាចលនា បទល្មើសនេះជាបទល្មើសមានទ្រង់ទ្រាយធំ មិនមែនធ្វើដោយមនុស្សចំនួនតូចទេ។ ច្បាប់បារាំងកំណត់និយមន័យថា (មាត្រា ៤១២-៣)៖ការកុបកម្មគឺជាអំពើហិង្សារួមដែលមានចរិតលក្ខណៈធ្វើឲ្យគ្រោះថ្នាក់ដល់ស្ថាប័ននៃសាធារណរដ្ឋ ឬ ធ្វើឲ្យខូចខាតដល់បូរណភាពទឹកដីជាតិ។បន្ទាប់មកច្បាប់នោះដាក់ទណ្ឌកម្មចំពោះការចូលរួមក្នុងចលនាបះបោរឬកុបកម្ម តាមរយៈប្រើមធ្យោបាយផ្សេង ដើម្បីធ្វើឲ្យបានសំរេចគោលដៅនៃចលនាបះបោរ ឬ កុបកម្មនេះ។ មធ្យោបាយទាំងនោះមានដូចជា (មាត្រា ៤១២-៤)៖1.ការសង់គ្រឿងទស់ទ័ព(របាំងការពារ) ជំរកការពារ ឬសំណង់អ្វីផ្សេងទៀតដើម្បីទប់ទល់ឬធ្វើជាឧបសគ្គដល់កម្លាំងសាធារណៈ។2. កាន់កាប់ដោយប្រើកម្លាំងចេញមុខ ឬ ប្រើឧបាយកល ឬដោយបំផ្លាញអគារ ឬ ទីតាំងអ្វីមួយ។3.ដោយធានាការដឹកជញ្ជូន ការផ្តល់ភស្តុភាទៅឲ្យ ឬ ការគមនាគមន៍គ្នារវាងពួកអ្នកបះបោរ។4.ដោយញុះញង់ឲ្យមានការប្រមូលផ្តុំពួកអ្នកបះបោរ តាមមធ្យោបាយណាក៏ដោយ។5.ដោយខ្លួនឯងជាអ្នកកាន់អាវុធ។6.ដោយតាំងខ្លួនឯងជំនួសអាជ្ញាធរស្របច្បាប់។ដូច្នេះ កុបកម្ម ឬ ការបះបោរនេះកើតឡើងដោយធាតុផ្សំពីរគឺ(១) ការប្រើមធ្យោបាយដែលរៀបរាប់ខាង លើ និង (២) ចេតនាដើម្បីធ្វើឲ្យអន្តរាយដល់ស្ថាប័ននិង/ឬបូរណភាពរបស់ជាតិ។ការប្រើមធ្យោបាយណាមួយខាងលើតែឯកឯង មិនទាន់ចាត់ទុកជាការបះបោរនៅឡើយទេ លុះត្រាតែមធ្យោបាយទាំងនោះត្រូវបានប្រើសំរាប់បំផ្លាញស្ថាប័ន ឬ បូរណភាពទឹកដីរបស់ប្រទេស។ ឧទាហរណ៍ ការសង់របាំងកាត់ផ្លូវតែឯកឯងមិនអាចចាត់ទុកជាចាំបាច់ថាជាការបះបោរក្នុងន័យនៃច្បាប់នេះទេ។ តាមន័យខាងលើ កុបកម្ម ឬ ការបះបោរនេះមិនសំដៅទៅលើសកម្មភាពបាតុកម្មដែលប្រើមធ្យោបាយគាបសង្កត់រកដំណោះស្រាយណាមួយនោះទេ ប៉ុន្តែសំដៅដល់ចលនាបះបោរប្រឆាំងដោយកម្លាំងជារបៀប ”ទ័ព” រៀបរយក្តី មិនរៀបរយក្តី ដែលមានបំណងបំផ្លាញស្ថាប័នជាតិចោល ឬដើម្បីដណ្តើមយកអំណាចជាតិមកគ្រប់គ្រងដោយក្រុមខ្លួនឯង។ប៉ុន្តែមានការពិបាកមួយទាក់ទងនឹងការបកស្រាយថា អ្វីទៅ និង ទំហំប៉ុនណា ទៅ ដែលជាការធ្វើឲ្យប៉ះពាល់ដល់ស្ថាប័នជាតិ។ នៅក្នុងកំណត់ហេតុនៃការពិភាក្សារបស់ព្រឹទ្ធសភាបារាំង ថ្ងៃទី ២៣ មេសា ១៩៩២ ក្នុងកម្លុងពេលពិនិត្យសេចក្តីព្រាងក្រមព្រហ្មទណ្ឌថ្មីអំពីលក្ខខ័ណ្ឌណាខ្លះដែលត្រូវផ្តន្ទាអំពើបះបោរ គណៈកម្មការព្រឹទ្ធសភាកត់សំគាល់ថា ផ្នែកស្តីពីការបះបោរគិតគូរតែពីកាលៈទេសៈណាដែលធ្ងន់ធ្ងរណាស់ ដែលគេមើលឃើញថាការបះពាល់ដល់អាយុជីវិតរបស់ប្រទេសជាតិ ។ លោក André Vitu ដែលជាអ្នកធ្វើអត្ថាធិប្បាយនៅក្នុង មូលដ្ឋានទិន្នន័យ Juris-classeur បានពិពណ៌នាថា ការប្រជុំគ្នា ការធ្វើបាតុកម្ម (ឬរហូតដល់ទៅការប្រមូលគ្នាដោយកាន់អាវុធ (armed gatherings on public road) ឬបទប្រឆាំងនឹងអាជ្ញាធរសាធារណៈ(rebellion) មិនទាន់គ្រប់គ្រាន់ដើម្បីចាត់ទុកថាជាកុបកម្មនោះទេ ប៉ុន្តែ ការប្រជុំឬបាតុកម្មនោះត្រូវបង្កើតឲ្យចេញជាការបះបោរពិតប្រាកដមានលក្ខណៈសឹងតែទូទៅប្រឆាំងនឹងអាជ្ញាធររដ្ឋាភិបាល ជាការធ្វើវិទ្ធង្សនាដែលពាក់ព័ន្ធនឹងប្រជាករចំនួនច្រើន។
-
-
ការញុះញង់
-
Released Date:
10-Apr-2014
ក្នុងច្បាប់ព្រហ្មទណ្ឌ ការញុះញង់មិនមែនជាបទល្មើសស្វយ័តទេ មានន័យថាការញុះញង់មិនមែនជាបទល្មើសដូចជាបទល្មើសចោរកម្ម បទល្មើសឃាតកម្មជាដើមនោះទេ តែវាជាអំពើដែលផ្ញើខ្លួនជាមួយនឹងល្មើសផ្សេងៗទៀតដែលការញុះញង់នោះប្រាថ្នាចង់ឲ្យកើតឡើង។ ការញុះញង់គឺជាការញ៉ាំងឲ្យអ្នកណាធ្វើអំពើអ្វីមួយ ដែលអាចជាអាក្រក់ ឬមិនអាក្រក់។ ប៉ុន្តែ នៅក្នុងភាសានិយាយទូទៅ ការញុះញង់នាំមកនូវន័យអវិជ្ជមាន មានន័យថា ទោះបីការញុះញង់មានបំណងអ្វីក៏ដោយ គេច្រើនចាត់ទុកថា ការញុះញង់ជាអំពើអាក្រក់។ ឧទាហរណ៍ បើមនុស្សម្នាក់បញ្ចុះបញ្ចូលឲ្យក្រុមមួយប្រឆាំងតវ៉ានឹងការរឹបអូសយកដីធ្លី ឬប្រឆាំងតវ៉ានឹងវិធានការណាមួយរបស់អាជ្ញាធររដ្ឋាភិបាល គេច្រើនហៅថា ឬចោទថាជននោះញុះញង់ឲ្យមានអំពើប្រឆាំងនឹងអាជ្ញាធររដ្ឋ ហើយគេមើលឃើញថាការញុះញង់នេះជាអំពើអវិជ្ជមាន។មានរបាយការណ៍ជាច្រើនពីអង្គការក្រៅរដ្ឋាភិបាលអំពីការចោទប្រកាន់នៅក្នុងតុលាការ ពីបទញុះញង់ប្រឆាំងនឹងគោលនយោបាយអភិវឌ្ឍន៍របស់រដ្ឋាភិបាល ឬការញុះញង់ប្រឆាំងនឹងអាជ្ញាធរជាដើម។គោលដៅតែមួយគត់នៃច្បាប់ស្តីពីការញុះញង់គឺ ដើម្បីទប់ស្កាត់ការប្រព្រឹត្តអំពើខុសច្បាប់ ឬបទល្មើស។ បើការញុះញង់មានគោលបំណងស្របច្បាប់ នោះវាមិនមែនជាការញុះញង់ដែលត្រូវផ្តន្ទាទោសនោះទេ។ ពាក្យសំដីដែលគេហៅថា “ញុះញង់” នោះវាគ្រាន់តែជាការផ្តល់ដំបូន្មាន ឬជាការជំរុញ ឲ្យធ្វើអ្វីមួយដែលច្បាប់មិនហាមឃាត់ប៉ុណ្ណោះ។ ការញុះញង់កើតចេញពីពាក្យសំដី ការសំដែងកិរិយាណាមួយ ឬកាយវិការណាមួយ។ ពាក្យសំដី, កិរិយា, និង កាយវិការជាមធ្យោបាយនៃការសំដែងចេញរបស់មនុស្ស។ច្បាប់ស្តីពីញុះញង់ផ្តោតទៅលើការទប់ស្កាត់សំដី, កិរិយា, និងកាយវិការ ដែលបង្កឲ្យកើតមានអំពើខុសច្បាប់។ ដូច្នេះ ច្បាប់ស្តីពីការញុះញង់ ត្រូវតែកំណត់ព្រំដែនឲ្យច្បាស់លាស់ ថា សំដី, កិរិយា, ឬ កាយវិការបែបណាដែលត្រូវហាមឃាត់ ដើម្បីម្យ៉ាងការពារសេរីភាពក្នុងការបញ្ចេញ និង ម្យ៉ាងការពារសេចក្តីរៀបរយនិងសុវត្ថិភាពនៃសង្គម។ច្បាប់ស្តីពីការញុះញង់ល្អ គឺជាច្បាប់ដែលផ្តល់តុល្យភាពរវាងសេរីភាពខាងការបញ្ចេញមតិ និងការការពារសុខុមាលភាពសង្គម។
-
-
ការបំផ្លិចបំផ្លាញ ការធ្វើឲ្យទ្រុឌទ្រោម និងការធ្វើឲ្យខូចខាត
-
Released Date:
10-Apr-2014
ការបំផ្លាញទ្រព្យសម្បត្តិរបស់អ្នកដទៃអាចជាអំពើអនីត្យានុកូល តាមទស្សនាទាននៃក្រមរដ្ឋប្បវេណី ដែលបានព្រាងឡើងក្រោមជំនួយបច្ចេកទេសរបស់ប្រទេសជប៉ុន។ មាត្រា ៧៤២ នៃក្រមរដ្ឋប្បវេណីចែងពីអំពើដែលបង្កឲ្យមានការខូចខាតទ្រព្យសម្បត្តិឬមនុស្ស។ អំពើអនីត្យានុកូលនេះមានទាំងអំពើដែលគណនាទុកជាមុន (ចេតនា) និងទាំងអំពើធ្វេសប្រហែស។ មាត្រា ៧៤៣ នៃក្រមរដ្ឋប្បវេណីតម្រូវឲ្យអ្នកប្រព្រឹត្តអំពើអនីត្យានុកូលដោយចេតនាក្តីឬអចេតនាក្តី ត្រូវសងការខូចខាតដល់អ្នករងគ្រោះ។ទន្ទឹមនឹងការដាក់អំពើដែលធ្វើឲ្យខូចខាតទ្រព្យសម្បត្តិអ្នកដទៃជាកំហុសរដ្ឋប្បវេណី ក្រមព្រហ្មទណ្ឌដែលបានព្រាងក្រោមជំនួយបច្ចេកទេសនៃប្រទេសបារាំង ក៏បានបញ្ចូលអំពើបែបនេះជាកំហុសព្រហ្មទណ្ឌផងដែរ។ អំពើបំផ្លាញទ្រព្យសម្បត្តិនៅក្នុងក្រមព្រហ្មទណ្ឌនេះរួមមានអំពើប្រព្រឹត្តដោយចេតនា (មាត្រា ៤១០) និងដោយធ្វសប្រហែស(មាត្រា ៤១៩)។នេះជាការសំខាន់ ព្រោះនៅពេលអំពើនេះកើតឡើង តើគេត្រូវចាត់ការបណ្តឹងតាមតុលាការណា៖ តុលាការរដ្ឋប្បវេណី ឬ តុលាការព្រហ្មទណ្ឌ?។ ចម្លើយគឺស្ថិតនៅលើគោលនយោបាយអ្វីដែលអំពើបំផ្លាញទ្រព្យសម្បត្តិអ្នកដទៃចាំបាច់ត្រូវផ្តន្ទាដោយច្បាប់ព្រហ្មទណ្ឌ។យោងតាមច្បាប់បារាំង អង្គនីតិបញ្ញត្តិបារាំងយកចិត្តទុកដាក់នឹងការដាក់ជាបទល្មើសព្រហ្មនូវអំពើបំផ្លាញទ្រព្យសម្បត្តិទាំងឡាយណាដែលមាននាំមកជាមួយនូវគ្រោះថ្នាក់ដល់មនុស្សផងដែរ និងការបំផ្លាញណាដែលមានលក្ខណៈធ្ងន់ធ្ងរ។ ការបំផ្លាញដែលមានលក្ខណៈស្រាលជាបទលហុដែលត្រូវពិន័យជាប្រាក់មិនលើសពី ១,៥០០ អឺរ៉ូ (មាត្រា ៦៣៥-១)។ ដូច្នេះ ច្បាប់បារាំងមានបំណងការពារសុវត្ថិភាពរបស់មនុស្សពីលទ្ធផលនៃការបំផ្លាញទ្រព្យសម្បត្តិ ដូចជាការប្រើអគ្គីភ័យ ការប្រើគ្រឿងផ្ទុះ ឬការពារទ្រព្យសម្បត្តិដែលមានតម្លៃ មិនមែនសៀវភៅមួយក្បាលឬបង្គោលរបងពីរបីនោះទេ។ប៉ុន្តែ ទោះជាយ៉ាងណាក្តីនៅក្នុងការអនុវត្ត គេនៅតែពិបាកនឹងកំណត់ថា តើការបំផ្លាញណាខ្លះ ដែលចាត់ទុកថាជាការធ្ងន់ធ្ងរ ដូច្នេះធ្វើឲ្យបទបំផ្លិចបំផ្លាញ ការធ្វើឲ្យទ្រុឌទ្រោម និងការធ្វើឲ្យខូចខាតនៅតែអាចត្រូវបានប្រើដោយគ្មានព្រំដែនពិតប្រាកដ។
-
-
បទប្រឆាំងនឹងអ្នករាជការសាធារណៈ
-
Released Date:
10-Apr-2014
បទបញ្ញត្តច្បាប់ទាក់ទងនឹងការប្រឆាំងនឹងអ្នករាជការសាធារណៈមានគោលបំណងទីមួយការពារបូរណភាពរូបរាងកាយរបស់អ្នករាជការដែលកំពុងអនុវត្តបេសកកម្មរបស់ខ្លួនឲ្យរួចផុតពីការយាយីផងទាំងពួង និង ទីពីរក្នុងគោលបំណងធ្វើឲ្យបេសកកម្មរបស់អ្នករាជការបានសំរេច។ក្នុងន័យនេះបទល្មើសប្រឆាំងនឹងអ្នករាជការសាធារណៈក្រសោបនូវបទល្មើសមួយ គឺបទល្មើសប្រឆាំងលើរូបកាយរបស់អ្នករាជការដែលកំពុងបំពេញបេសកកម្មរបស់ខ្លួន។ ដូច្នេះ ច្បាប់នេះដាក់ទណ្ឌកម្មលើជនល្មើសណាដែលប្រើអំពើហិង្សា ទៅលើអ្នករាជការ មិនមែនទៅលើការជំទាស់អហិង្សាទៅលើអ្នករាជការទេ។ការប្រមាថ គឺជាវាចា កាយវិការ សំណេរ គំនូរ ឬវត្ថុដែលប៉ះពាល់ដល់សេចក្តីថ្លៃថ្នូរនៃបុគ្គល។បទប្រឆាំងនឹងអ្នករាជការសាធារណៈ គឺជាអំពើប្រឆាំងដោយប្រើការទល់ដោយហិង្សា នឹងអ្នករាជការសាធារណៈដែលធ្វើសកម្មភាពដើម្បីអនុវត្តច្បាប់ បញ្ជារបស់អាជ្ញាធរសាធារណៈ ឬសេចក្តីសម្រេចរបស់តុលាការ។
-
-
បទបរិហារកេរ្តិ៍ជាសាធារណៈ
-
Released Date:
10-Apr-2014
បទបរិហាកេរ្តិ៏ជាសាធារណៈ សំដៅលើគ្រប់ការអះអាងបំផ្លើស ឬ ទម្លាក់កំហុសដោយអសុទ្ធចិត្តលើអំពើណាមួយ ដែលនាំឱ្យប៉ះពាល់ដល់កិត្តិយស ឬ កិត្តិស័ព្ទនៃបុគ្គល ឬ នៃស្ថាប័ន។
-
-
របាយការណ៍ៈ ការពារអ្នកការពារសិទ្ធិមនុស្ស៖ សន្តិសុខដល់អ្នកការពារសិទ្ធិមនុស្សកម្ពុជា ២០១៣
-
Released Date:
02-Sep-2013
ការងាររបស់អ្នកការពារសិទ្ធិមនុស្ស ពិតជាមានតម្លៃណាស់ក្នុងការធ្វើយ៉ាងណាឲ្យសម្រេចបាននូវការការពារ និងលើកកម្ពស់សិទ្ធិ ហើយការងារទាំងនោះតែងតែផ្សារភ្ជាប់ទៅនឹងការប្រមូលផ្តុំនិងការចែកចាយពត៌មាន ការតស៊ូមតិ ការគៀងគរប្រមូលទស្សនៈយោបល់ ពង្រឹកអំណាច និងការគាំទ្រដល់ជនរងគ្រោះពីការរំលោភបំពានសិទ្ធិមនុស្ស។ ខាងក្រោមនេះជារបាយការណ៍ដែលសរសេរពាក់ព័ន្ធនឹងការងាររបស់អ្នកការពារសិទ្ធិមនុស្សនៅកម្ពុជា៕
-
-
ការវិភាគផ្លូវច្បាប់លើការចោទប្រកាន់ និងការផ្តន្ទាទោសលើលោក ម៉ម សូណង់ដូ
-
Released Date:
29-Aug-2013
នៅថ្ងៃទី០១ ខែតុលា ឆ្នាំ២០១២ លោក ម៉ម សូណង់ដូ ("ជនជាប់ចោទ") ដែលជាម្ចាស់វិទ្យុសំបុកឃ្មុំនិងជាប្រធានអង្គការ មិនមែនរដ្ឋាភិបាលដ៏ល្បី ("អ.ម.រ") ដែលហៅថា សមាគមអ្នកប្រជាធិបតេយ្យ ត្រូវបានតុលាការរកឃើញពិរុទ្ធភាពពីបទចោទប្រកាន់ចំនួន៦ករណី ("បទចោទប្រកាន់") តាមក្រមព្រហ្មទណ្ឌឆ្នាំ២០០៩ ("ក្រមព្រហ្មទណ្ឌ") បន្ទាប់ពីសវនាការជំនុំជម្រះរយៈពេល៤ថ្ងៃ នៅសាលាដំបូងរាជធានីភ្នំពេញ ចាប់ពីថ្ងៃទី១១ ដល់១៤ ខែកញ្ញា ឆ្នាំ២០១២ ជាសរុបហៅថា ("ការជំនុំជម្រះ")។ ខាងក្រោមនេះជាអត្តបទសង្ខេបនៃការវិភាគផ្លូវច្បាប់លើការចោទប្រកាន់លើ លោក ម៉ម សូណង់ដូ ៕
-
- 1(current)
- 2